മഞ്ചേശ്വരം: സ്കൂട്ടറിൽ കടത്തുകയായിരുന്ന നാലര ലിറ്റർ കർണാടക മദ്യം എക്‌സൈസ് സംഘം പിന്തുടർന്നു പിടിച്ചു. സ്കൂട്ടർ യാത്രക്കാരൻ കടമ്പാർ ഹെദാരിയിലെ രോഹിത്ത് കെ എന്ന കോട്ടായി (28 ) സ്കൂട്ടറും മദ്യവും ഉപേക്ഷിച്ചു രക്ഷപ്പെട്ടു. സ്കൂട്ടറും മദ്യവും എക്സൈസ് കസ്റ്റഡിയിലെടുത്തു. കുമ്പള എക്സൈസ് റേഞ്ച് ഓഫീസിലെ പ്രിവന്റീവ് ഓഫീസർമാരായ മനാസ് കെ വി , ജിജിൻ എം വി, സിവിൽ എക്സൈസ് ഓഫീസർമാരായ അഖിലേഷ് എം. എം, ജിതിൻ വി, അവിനാഷ് വി, ഡ്രൈവർ പ്രവീൺ കുമാർ എന്നിവർ സംഘത്തിൽ ഉണ്ടായിരുന്നു.