മഞ്ചേശ്വരം: മഞ്ചേശ്വരം മണ്ഡലത്തിലെ യു ഡി എഫ് സ്ഥാനാര്‍ത്ഥി എ കെ എം അഷ്‌റഫ് ഉപവരണാധികാരിയായ മഞ്ചേശ്വരം തഹസില്‍ദാര്‍ക്കു മുമ്പാകെ നാമനിര്‍ദ്ദേശ പത്രിക സമര്‍പ്പിച്ചു. നൂറുകണക്കിന് യു ഡി എഫ് പ്രവര്‍ത്തകരുടെ അകമ്പടിയോടെയാണ് ഉപ്പളയിലെ താലൂക്ക് ഓഫീസിലെത്തിയത്. യു ഡി എഫ് മണ്ഡലം ഭാരവാഹികളായ അസീസ് മരിക്കെ, ബി സുബ്ബയ്യ റൈ, മഞ്ചുനാഥ് ആള്‍വ, ടി എ മൂസ, ജെ സോമശേഖര, ലക്ഷ്മണ പ്രഭു, എ കെ ആരിഫ്, സൈഫുള്ള തങ്ങള്‍ എന്നിവരും ഒപ്പമുണ്ടായിരുന്നു.