കാസർകോട്: സൈക്കിൾ കാലിൽ തട്ടിയതിൽ പ്രകോപിതനായ അധ്യാപകൻ വിദ്യാർത്ഥിയുടെ മുഖത്തടിച്ചതായി പരാതി. സംഭവത്തിൽ ബങ്കളത്തെ അമ്പു മാസ്റ്റർ ക്കെതിരെ നീലേശ്വരം പൊലീസ് കേസെടുത്തു. പുതുക്കൈ, ദിവ്യംപാറയിലെ എട്ടുവയസുകാരനാണ് പരാതിക്കാരൻ . കഴിഞ്ഞ ദിവസം ബങ്കളം ബസ് സ്റ്റോപ്പിലാണ് സംഭവം. സൈക്കിൾ കാലിൽ തട്ടിയ വിരോധത്തിൽ വിദ്യാർത്ഥിയെ തടഞ്ഞു നിർത്തി മർദ്ദിക്കുകയായിരുന്നുവെന്നു പരാതിയിൽ കൂട്ടിച്ചേർത്തു.
