പാലക്കാട്: കിടക്കയില് മൂത്രമൊഴിച്ചെന്ന് ആരോപിച്ച് അഞ്ച് വയസ്സുകാരിയെ രണ്ടാനമ്മ സ്വകാര്യഭാഗത്ത് ചട്ടുകം ചൂടാക്കി പൊള്ളിച്ചതായി പരാതി. പാലക്കാട് കഞ്ചിക്കോടാണ് സംഭവം. പരാതിയില് ബീഹാര് സ്വദേശിനി നൂര് നാസറിനെ വാളയാര് പൊലീസ് അറസ്റ്റ് ചെയ്തു.
പൊള്ളലേറ്റ സംഭവം കുട്ടി പഠിച്ചിരുന്ന അങ്കണവാടി അധ്യാപികയാണ് ആദ്യം കണ്ടെത്തിയത്. തുടര്ന്ന് കുട്ടിയോട് കാര്യങ്ങള് ചോദിച്ചറിഞ്ഞശേഷം പൊലീസില് വിവരമറിയിക്കുകയായിരുന്നു. സംഭവത്തില് ജുവനൈല് ജസ്റ്റിസ് ആക്ട് പ്രകാരം പൊലീസ് കേസെടുത്ത് പ്രതിയെ റിമാന്ഡ് ചെയ്തു.
