കാസർകോട്: സംസ്ഥാന സ്‌കൂള്‍ കലോത്സവത്തിലെ സ്വര്‍ണ്ണ കപ്പിന്റെ പ്രയാണം ഇന്ന് ആരംഭിക്കും. രാവിലെ എട്ടോടെ മൊഗ്രാല്‍ ജി.വി.എച്ച്.എസ്.എസില്‍ നിന്നും ആരംഭിക്കുന്ന സ്വര്‍ണ കപ്പ് എട്ടരയോടെ ചെമ്മനാട് സി ജെ.എച്ച്.എസ്എസിലും ഒന്‍പതിന് ഹോസ്ദുര്‍ഗ് ജി.എച്ച്.എസ് എസില്‍ എത്തും. അവിടെനിന്നും പത്തുമണിയോടെ പയ്യന്നൂര്‍ കരിവെള്ളൂര്‍ എ.വി.എസ്.ജി.വി.എച്ച്.എസ്.എസില്‍ എത്തുന്നതോടെ സ്വര്‍ണകപ്പ് ജില്ലാ അതിര്‍ത്തി കടക്കും. ഓരോ ദിവസവും യാത്ര അവസാനിക്കുന്ന സ്ഥലത്തെ സബ് ട്രഷറിയിൽ ആയിരിക്കും കപ്പ് സൂക്ഷിക്കുക. ആദ്യദിന യാത്ര കോഴിക്കോട് സമാപിക്കും. സംസ്ഥാനത്തെ 36 കേന്ദ്രങ്ങളിൽ സ്വീകരണം നൽകും.13ന് വൈകിട്ട് ആറിന് തേക്കിൻകാട് മൈതാനത്തെ പ്രധാന വേദിയിൽ എത്തും. 14ന് കലോത്സവം ആരംഭിക്കും.