തിരുവനന്തപുരം: സംസ്ഥാനത്തെ സ്കൂള് അധ്യാപകര്ക്ക് കെ ടെറ്റ് നിര്ബന്ധമാക്കിയ ഉത്തരവ് താത്ക്കാലികമായി മരവിപ്പിച്ചു. അധ്യാപക സംഘടനകളുടെ എതിര്പ്പിനെ തുടര്ന്നാണ് നടപടിയെന്ന് വിദ്യാഭ്യാസ വകുപ്പ് മന്ത്രി വി ശിവന്കുട്ടി അറിയിച്ചു. ചില സംഘടനകള് കാര്യം എന്തെന്ന് മനസ്സിലാക്കും മുന്പ് എതിര്പ്പ് ഉന്നയിച്ചു. സര്ക്കാര് അധ്യാപകര്ക്കൊപ്പമാണ്.
സുപ്രീം കോടതി ഉത്തരവിനെ തുടര്ന്നാണ് സര്ക്കാര് കെ ടെറ്റ് നിര്ബന്ധമാക്കിയുള്ള ഉത്തരവിറക്കിയത്. ഇതിനെതിരെ റിവ്യൂ ഹര്ജി നല്കുമെന്നും മന്ത്രി പറഞ്ഞു. ഫെബ്രുവരിയില് നടക്കുന്ന പ്രത്യേക കെ ടെറ്റ് പരീക്ഷയ്ക്ക് ശേഷം പുതിയ ഉത്തരവ് ഇറക്കുമെന്നും സ്ഥാനക്കയറ്റത്തില് വ്യക്തത വരുമെന്നും അദ്ദേഹം പറഞ്ഞു. കുറേപേര് രക്ഷപ്പെടുമെങ്കില് രക്ഷപെടട്ടെയെന്നും നാല്പതിനായിരത്തോളം അധ്യാപകരെ ബാധിക്കുന്ന വിഷയമാണെന്നും മന്ത്രി ചൂണ്ടിക്കാട്ടി.
