കോഴിക്കോട്: നിയമസഭ തെരഞ്ഞെടുപ്പില് ലീഗിന് കൂടുതല് സീറ്റിന് അര്ഹതയുണ്ടെന്ന് പാണക്കാട് സാദിഖ് അലി തങ്ങള്. മുന്നണി യോഗത്തില് അക്കാര്യം അറിയിക്കുമെന്നും അദ്ദേഹം പറഞ്ഞു. കോഴിക്കോട് ഒരു മാധ്യമത്തോട് സംസാരിക്കുകയായിരുന്നു തങ്ങള്.
കുഞ്ഞാലിക്കുട്ടി തന്നെ ലീഗിനെ തെരഞ്ഞെടുപ്പില് നയിക്കും. ഇത്തവണ വനിതാ സ്ഥാനാര്ഥി ഉണ്ടാകുമെന്നും സാദിഖലി തങ്ങള് പറഞ്ഞു. മുഖ്യമന്ത്രി സ്ഥാനാര്ത്ഥി ആരെന്ന കാര്യത്തില് ലീഗ് നിര്ദേശം മുന്നോട്ട് വയ്ക്കില്ല. അക്കാര്യം കോണ്ഗ്രസ് തീരുമാനിക്കട്ടെ. ചില സീറ്റുകള് വെച്ചു മാറണം എന്ന ആഗ്രഹം അണികള്ക്കുണ്ട്. അക്കാര്യം ചര്ച്ചയില് മുന്നോട്ട് വെക്കും. സിറ്റിംഗ് എംഎല്എമാര് എല്ലാവരും മത്സരിക്കുമെന്ന് ഇപ്പോള് പറയാന് ആകില്ലെന്ന് തങ്ങള് മുന്നറിയിച്ചു.
കോട്ടയം അടക്കമുള്ള ജില്ലകളില് മത്സരിക്കാന് ആഗ്രഹമുണ്ട്. വെല്ഫെയര് പാര്ട്ടിയുമായി മുന്നണി ബന്ധമില്ല. പക്ഷെ വോട്ട് വേണ്ടെന്ന് പറയില്ല. വെള്ളാപ്പള്ളിയെ തന്റെ കാറില് കയറ്റില്ലെന്നും തങ്ങള് വ്യക്തമാക്കി. തെരഞ്ഞെടുപ്പില് 100 സീറ്റ് നേടുമെന്നും അദ്ദേഹം പറഞ്ഞു. കേരള കോണ്ഗ്രസ് മാണി വിഭാഗത്തെ യുഡിഎഫില് എത്തിക്കാനുള്ള നീക്കം തുടരുന്നുണ്ടെന്നും തങ്ങള് അറിയിച്ചു.
