കല്പ്പറ്റ: വയനാട് കണിയാമ്പറ്റ ജനവാസ മേഖലയില് ഇറങ്ങിയ കടുവയെ കണ്ടെത്തി. തെര്മല് ഡ്രോണ് ഉപയോഗിച്ചുള്ള പരിശോധനയിലാണ് കടുവയെ കണ്ടെത്തിയത്. ചീക്കല്ലൂര് മേഖലയിലെ തോട്ടത്തിലായിരുന്നു കടുവയെ ആദ്യം കണ്ടെത്തിയത്. കടുവ അതേസ്ഥലത്ത് തന്നെയാണ് ഇപ്പോഴും ഉള്ളത്. പ്രദേശത്ത് ഗതാഗതം നിരോധിച്ചിട്ടുണ്ട്.
കടുവയെ പുറത്തിറക്കി പിടികൂടാനുള്ള ശ്രമങ്ങളാണ് ഇപ്പോള് നടക്കുന്നത്. അതേസമയം മേഖലയില് കര്ശന ജാഗ്രത നിര്ദ്ദേശം നല്കിയിട്ടുണ്ട്. പനമരം, കണിയാമ്പറ്റ ഗ്രാമപഞ്ചായത്തുകളിലെ പത്തു വാര്ഡുകളിലെ എല്ലാ വിദ്യാഭ്യാസ സ്ഥാപനങ്ങള്ക്കും അവധി പ്രഖ്യാപിച്ചിട്ടുണ്ട്. വനംവകുപ്പ്, ആര് ആര് ടി സംഘം, പൊലീസ് തുടങ്ങിയവര് പ്രദേശത്തുണ്ട്.
