പി പി ചെറിയാൻ
കാലിഫോർണിയ: ആർട്ടിഫിഷ്യൽ ഇന്റലിജൻസ് (എ ഐ I) രംഗത്തെ പ്രമുഖനും ഇന്ത്യൻ വംശജനുമായ അമർ സുബ്രമണ്യയെ ആപ്പിളിന്റെ പുതിയ വൈസ് പ്രസിഡന്റായി നിയമിച്ചു. എ.ഐ. രംഗത്തെ നേതൃത്വം ശക്തിപ്പെടുത്താനുള്ള ആപ്പിളിന്റെ ശക്തമായ നീക്കമാണിത് .
ഡിസംബർ 1-നാണ് 46-കാരനായ അമർ സുബ്രമണ്യ ആപ്പിളിൽ ചേർന്നത്. എഞ്ചിനീയറിംഗ് നേതാക്കളിൽ പ്രമുഖനായി കണക്കാക്കപ്പെടുന്ന ഇദ്ദേഹം, ആപ്പിളിലെ സുപ്രധാനവും വെല്ലുവിളി നിറഞ്ഞതുമായ താഴെ പറയുന്ന എ ഐ സംരംഭങ്ങൾക്ക് നേതൃത്വം നൽകും.
വരാനിരിക്കുന്ന ആപ്പിൾ ഇന്റലിജൻസ് ഫീച്ചറുകൾക്കും അടുത്ത തലമുറ ഓൺ-ഡിവൈസ്, ക്ലൗഡ്-അസിസ്റ്റഡ് എ.ഐ. ശേഷികൾക്കും രൂപം നൽകുന്നതിൽ സുബ്രഹ്മണ്യയുടെ പങ്ക് നിർണായകമായിരിക്കുമെന്ന് ആപ്പിൾ എക്സിക്യൂട്ടീവുകൾ അറിയിച്ചു.
ബംഗളൂരുവിൽ വളർന്ന സുബ്രമണ്യ, 2001-ൽ ബാംഗ്ലൂർ യൂണിവേഴ്സിറ്റിയിൽ നിന്ന് ഇലക്ട്രോണിക്സ് & കമ്മ്യൂണിക്കേഷൻസിൽ ബിരുദം നേടി. തുടർന്ന് യുണൈറ്റഡ് സ്റ്റേറ്റ്സിലെ യൂണിവേഴ്സിറ്റി ഓഫ് വാഷിംഗ്ടണിൽ നിന്ന് കമ്പ്യൂട്ടർ സയൻസിൽ പിഎച്ച്ഡി പൂർത്തിയാക്കി.
16 വർഷം ഗൂഗിളിൽ പ്രവർത്തിച്ച അദ്ദേഹം, കമ്പനിയുടെ മുൻനിര ജനറേറ്റീവ് എ.ഐ. അസിസ്റ്റന്റായ ജെമിനിയുടെ എഞ്ചിനീയറിംഗ് മേധാവിയായിരുന്നു.
ആപ്പിളിൽ ചേരുന്നതിന് മുമ്പ് ഏതാനും മാസങ്ങൾ മൈക്രോസോഫ്റ്റിൽ കോർപ്പറേറ്റ് വൈസ് പ്രസിഡന്റായി സേവനമനുഷ്ഠിച്ചിട്ടുണ്ട്.
എ.ഐ. ഗവേഷണങ്ങളെയും യഥാർത്ഥ ലോക ഉൽപ്പന്ന വികസനത്തെയും ബന്ധിപ്പിക്കുന്നതിൽ അദ്ദേഹത്തിനുള്ള പ്രശസ്തി, എ.ഐ. രംഗത്തെ വർധിച്ചുവരുന്ന മത്സരത്തിൽ ആപ്പിളിന് മുതൽക്കൂട്ടാകുമെന്നാണ് വ്യവസായ വിശകലന വിദഗ്ദ്ധർ വിലയിരുത്തുന്നത്.
