പാലക്കാട്: കൊഴിഞ്ഞാമ്പാറയില് ബസ് ശരീരത്തിലൂടെ കയറിയിറങ്ങി രണ്ടാം ക്ലാസുകാരിക്ക് ദാരുണാന്ത്യം. സ്കൂട്ടറില് നിന്ന് തെറിച്ചുവീണ കുട്ടിയുടെ ശരീരത്തിന് മുകളിലൂടെ ബസ് കയറുകയായിരുന്നു.
പഴണിയാര്പാളയം സ്വദേശികലായ ദമ്പതികളുടെ മകള് നസ്രിയത്ത് മന്സിയ ആണ് മരിച്ചത്. കൊഴിഞ്ഞാമ്പാറ സെന്റ് പോള്സ് സ്കൂളിലെ വിദ്യാര്ഥിനിയാണ്. എതിരെ വന്ന ബസ് ശരീരത്തിലൂടെ കയറി ഇറങ്ങുകയായിരുന്നു. തിങ്കളാഴ്ച രാവിലെ 9 മണിയോടെ കൊഴിഞ്ഞാമ്പാറ അത്തിക്കോടുവെച്ചാണ് അപകടം നടന്നത്. പിതാവിനൊപ്പം സ്കൂളിലേക്ക് പോവുകയായിരുന്നു കുട്ടി. ഓട്ടോയിലിടിച്ചാണ് സ്കൂട്ടര് മറിഞ്ഞത്. തൊട്ടുപിന്നാലെ അമിതവേഗത്തിലെത്തിയ ബസ് കുട്ടിയുടെ ശരീരത്തിലൂടെ കയറിയിറങ്ങുകയായിരുന്നു.
പോസ്റ്റുമോര്ട്ട നടപടികള്ക്കായി പാലക്കാട് ജില്ലാ ആശുപത്രിയിലേക്ക് മാറ്റി. അപകടകാരണം കണ്ടെത്താന് പൊലീസും മോട്ടോര് വാഹന വകുപ്പും അന്വേഷണം ആരംഭിച്ചു.
വയോധിക കിണറ്റിൽ വീണു മരിച്ചു
Thursday, 25 June 2026, 20:34
