കാസര്‍കോട്: 79-ാം സ്വാതന്ത്യദിനം ജില്ലയിലെ വിവിധ വിദ്യാഭ്യാസ സ്ഥാപനങ്ങളുടയും ക്ലബുകളുടേയും സംഘടനകളുടേയും നേതൃത്വത്തില്‍ ഗ്രാമങ്ങളിലും സ്വാതന്ത്ര്യദിനം ആഘോഷിക്കുന്നു. പതാക ഉയര്‍ത്തിയ ശേഷം മധുരം നല്‍കിയും പായസവിതരണം നടത്തിയും ശ്രമദാനം നടത്തിയുമാണ് സ്വാതന്ത്യദിനം ആഘോഷിക്കുന്നത്.
കുമ്പളപ്പള്ളി യുപി സ്‌കൂളില്‍ വിപുലമായ പരിപാടികളോടെ സ്വാതന്ത്ര്യദിനാഘോഷം
കരിന്തളം: കുമ്പളപ്പള്ളി എസ് കെ ജി എം എ യു പി സ്‌കൂളില്‍ വിവിധ പരിപാടികളോടെ സ്വാതന്ത്ര്യദിനാഘോഷം സംഘടിപ്പിച്ചു. സ്‌കൂള്‍ ഹെഡ്മാസ്റ്റര്‍ കെപി ബൈജു ദേശീയ പതാക ഉയര്‍ത്തി. പിടിഎ പ്രസിഡണ്ട് ടി സിദ്ദിഖ് അധ്യക്ഷത വഹിച്ചു. പഞ്ചായത്ത് വൈസ് പ്രസിഡന്റ് ടി പി ശാന്ത സ്വാതന്ത്ര്യ ദിന സന്ദേശം നല്‍കി. തുടര്‍ന്ന് കുട്ടികളുടെ വിവിധ പരിപാടികളും അരങ്ങേറി. ചടങ്ങില്‍ വെച്ച് എസ് എസ് കെ അനുവദിച്ച കബോര്‍ഡ് വീല്‍ചെയര്‍ ചിറ്റാരിക്കാല്‍ ബി ആര്‍ സി യില്‍ നിന്ന് ഏറ്റുവാങ്ങി ഏഴാം തരം വിദ്യാര്‍ഥി അനുജിത്തിന് പഞ്ചായത്ത് വൈസ് പ്രസിഡണ്ട് കൈമാറി.
മികച്ച പഠന നിലവാരം പുലര്‍ത്തുന്ന 5, 6, 7 ക്ലാസിലെ എസ് ടി വിഭാഗത്തിലെ പെണ്‍കുട്ടികള്‍ക്ക് കനറാ ബാങ്ക് നല്‍കുന്ന ഡോക്ടര്‍ അംബേദ്കര്‍ വിദ്യാജ്യോതി സ്‌കോളര്‍ഷിപ്പ് വിതരണം ചെയ്തു. പായസ വിതരണവും നടന്നു. പിടിഎ വൈസ് പ്രസിഡണ്ട് വാസു കരിന്തളം, എം പിടിഎ പ്രസിഡണ്ട് ജോസ്ലിന്‍ ബിനു, എംപിടിഎ വൈസ് പ്രസിഡണ്ട് പി അമൃത, സീനിയര്‍ അസിസ്റ്റന്റ് പിവി ഇന്ദുലേഖ, കെ പ്രശാന്ത്, എസ് ആര്‍ ജി കണ്‍വീനര്‍മാരായ സിന്ധു രാമേന്ദ്രന്‍, കെ രജനി എന്നിവര്‍ സംസാരിച്ചു. സ്റ്റാഫ് സെക്രട്ടറി കെ ബിനു നന്ദി പറഞ്ഞു.
കേരള കേന്ദ്ര സര്‍വകലാശാലയില്‍ സ്വാതന്ത്ര്യ ദിനാഘോഷം
പെരിയ: കേരള കേന്ദ്ര സര്‍വകലാശാലയില്‍ വിപുലമായ പരിപാടികളോടെ 79-ാമത് സ്വാതന്ത്ര്യ ദിനം ആഘോഷിച്ചു. ഡോ.ബി.ആര്‍. അംബേദ്കര്‍ ഭവനില്‍ നടന്ന പരിപാടിയില്‍ വൈസ് ചാന്‍സലര്‍ പ്രൊഫ. സിദ്ദു പി. അല്‍ഗുര്‍ ദേശീയ പതാക ഉയര്‍ത്തി, സ്വാതന്ത്ര്യദിന സന്ദേശം നല്‍കി. ബാന്റ് മേളത്തിന്റെ അകമ്പടിയോടെ സെക്യുരീറ്റി വിഭാഗത്തിന്റെ നേതൃത്വത്തില്‍ നടന്ന മാര്‍ച്ച് പാസ്റ്റില്‍ അദ്ദേഹം അഭിവാദ്യം സ്വീകരിച്ചു. നിരവധിയാളുകളുടെ ത്യാഗപൂര്‍ണമായ പോരാട്ടത്തിന്റെ ഫലമാണ് നാം ഇന്ന് അനുഭവിക്കുന്ന സ്വാതന്ത്ര്യമെന്ന് അദ്ദേഹം ചൂണ്ടിക്കാട്ടി. രജിസ്ട്രാര്‍ ഇന്‍ ചാര്‍ജ്ജ് ഡോ.ആര്‍. ജയപ്രകാശ്, സ്റ്റുഡന്റ്സ് വെല്‍ഫെയര്‍ ഡീന്‍ പ്രൊഫ. രാജേന്ദ്ര പിലാങ്കട്ട, ഡീനുമാര്‍, വകുപ്പ് മേധാവികള്‍, വിദ്യാര്‍ത്ഥികള്‍, അധ്യാപകര്‍, ജീവനക്കാര്‍ തുടങ്ങിയവര്‍ സംബന്ധിച്ചു. വിവിധ സര്‍ട്ടിഫിക്കറ്റുകളും വൈസ് ചാന്‍സലര്‍ വിതരണം ചെയ്തു. കലാപരിപാടികളും യോഗ പ്രദര്‍ശനവും അരങ്ങേറി. വിവിധ സംസ്ഥാനങ്ങളെ പ്രതിനിധീകരിച്ച് പരമ്പരാഗത വേഷത്തില്‍ വിദ്യാര്‍ത്ഥികള്‍ അണിനിരന്നത് ശ്രദ്ധേയമായി.
സഅദിയ്യ വിദ്യാഭ്യാസ സ്ഥാപനങ്ങളിലും ആഘോഷം
ദേളി: സഅദിയ്യ വിദ്യാഭ്യാസ സ്ഥാപനങ്ങള്‍ വിപുലമായി ആഘോഷിച്ചു. എക്സിക്യൂട്ടിവ് അംഗം ക്യാപ്റ്റന്‍ ശരീഫ് കല്ലട്ര പതാക ഉയര്‍ത്തി. രാജ്യത്തിന്റെ ഐക്യവും അഗണ്ഡതയും മതേതരത്ത്വവും സംരക്ഷികാന്‍ സമൂഹം ഒറ്റക്കെട്ടായി നില്‍ക്കണമെന്ന് അദ്ദേഹം പറഞ്ഞു. വിവിധ സ്ഥാപനങ്ങളില്‍ നടന്ന പതാക ഉയര്‍ത്തല്‍ ചടങ്ങുകളിലും കലാ പരിപാടികള്‍ക്കും സ്ഥാപന മേധാവികളും അധ്യാപകരും നേതൃത്വം നല്‍കി. ഐക്യവും മതേതരത്വവും സംരക്ഷിക്കാന്‍ പ്രതിജ്ഞ എടുത്തു. പള്ളങ്കോട് അബ്ദുള്‍ ഖാദര്‍ മദനി, ഇസ്മാഈല്‍ സഅദി പാറപ്പള്ളി, അഹ്‌മദലി ബണ്ടിച്ചാല്‍, ശറഫൂദ്ദീന്‍ സഅദി, ഉസ്മാന്‍ സഅദി കൊട്ടപ്പുറം, ഫാറൂഖ് സഖാഫി എരോല്‍, എംടിപി അബ്ദുല്ല മൗലവി, ഖലീല്‍ മാക്കോട്, യൂസുഫ് സഖാഫി സംബന്ധിച്ചു.
പൊയ്‌നാച്ചി, പറമ്പ് ശിശുപ്രിയ അങ്കണവാടിയില്‍ സ്വാതന്ത്ര്യദിനം ആഘോഷിച്ചു
പൊയ്‌നാച്ചി: പറമ്പ് ശിശുപ്രിയ അങ്കണവാടിയില്‍ നടന്ന സ്വാതന്ത്ര്യ ദിനാഘോഷ പരിപാടിയില്‍ പഞ്ചായത്ത് അംഗം എം.ഗോപാലന്‍ പതാക ഉയര്‍ത്തി. മുന്‍ പഞ്ചായത്ത് പ്രസിഡണ്ട് എ.ബാലകൃഷ്ണന്‍, റിട്ട: എസ്.ഐ. ടി.രാമകൃഷ്ണന്‍, സന്തോഷ് ബേര്‍ക്കാക്കോട്, എ. ശാന്ത, സജിഷ് ബേര്‍ക്കാക്കോട്, കെ. മാധവന്‍ നായര്‍, കെ.സുധാകരന്‍ സംസാരിച്ചു.
ഘോഷയാത്ര, കുട്ടികളുടെ വിവിധ പരിപാടികള്‍, സമ്മാന-മധുരപലഹാര വിതരണം എന്നിവ നടത്തി. അങ്കണവാടി വര്‍ക്കര്‍ വി പ്രിയ സ്വാഗതവും ഹെല്‍പ്പര്‍ എം പ്രസന്നകുമാരി നന്ദിയും പറഞ്ഞു.
കാസര്‍കോട് എരിയാല്‍ കുളങ്കര മസ്ജിദ് കമ്മിറ്റി സ്വാതന്ത്ര്യം ദിനം ആഘോഷിച്ചു
കാസര്‍കോട്: മൊഗ്രാല്‍ പുത്തൂര്‍ എരിയാല്‍ കുളങ്കര മസ്ജിദ് കമ്മിറ്റിയും അന്‍വാറുല്‍ ഇസ്ലാം മദ്രസ വിദ്യാര്‍ത്ഥികളും സ്വാതന്ത്ര്യം ദിനം വിപുലമായ പരിപാടികളോടെ ആഘോഷിച്ചു. മസ്ജിദ് കമ്മിറ്റി പ്രസിഡന്റ് കുഞ്ഞിപ്പ തോരവളപ്പ് ദേശീയ പതാക ഉയര്‍ത്തി. ഇമാം അനസ് യമനി പ്രാര്‍ത്ഥന നടത്തി.
മസൂദ് കെഎ, അഷ്റഫ് കുളങ്കര, മുസ്തഫ കെഎ, മുഹമ്മദ് തേരവളപ്പ്, ഹസ്സന്‍ കുളങ്കര, മുസ്തഫ, സലാം, മുഹമ്മദ് കുളങ്കര നേതൃത്വം നല്‍കി. സ്വാതന്ത്ര്യദിനാഘോഷത്തിന്റെ ഭാഗമായി അന്‍വാറുല്‍ ഇസ്ലാം മദ്രസ വിദ്യാര്‍ത്ഥികളുടെ കലാ പരിപാടികളും ഉണ്ടായിരുന്നു.
മതേതരത്വവും ജനാധിപത്യവും സംരക്ഷിക്കും: കോണ്‍ഗ്രസ്
കാസര്‍കോട്: ജനാധിപത്യവും മതേതരത്വവും നിറദീപം പോലെ കാത്തുസൂക്ഷിക്കാന്‍ കോണ്‍ഗ്രസ് മൊഗ്രാല്‍ പുത്തൂര്‍ മണ്ഡലം കമ്മിറ്റി അഭ്യര്‍ത്ഥിച്ചു. മണ്ഡലം കമ്മിറ്റി ചൗക്കിയില്‍ നടത്തിയ സ്വാതന്ത്ര്യ ദിനാഘോഷം ബ്ലോക്ക് വൈസ് പ്രസിഡന്റ് കെ.പി നാരായണന്‍ നായര്‍ ഉദ്ഘാടനം ചെയ്തു. മണ്ഡലം പ്രസി.വേലായുധന്‍ പതാക ഉയര്‍ത്തി. ഹനീഫ് ചേരങ്കൈ, വിജയകുമാര്‍, അഹ്‌മദ് ചൗക്കി, മുകുന്ദന്‍, കുഞ്ഞിക്കണ്ണന്‍, മുഹമ്മദ് അലി, മോഹനന്‍ കടപ്പുറം, ഹസൈനാര്‍ എന്‍.എ, ഇ.എം ഇസ്മയില്‍, മുസ്തഫ ബള്ളൂര്‍, മാധവന്‍ നായര്‍, ബഷീര്‍ തോരവളപ്പ്, മാധവന്‍ പെരിയടുക്ക, ദിനേശന്‍, രാജു അര്‍ജാല്‍ പ്രസംഗിച്ചു. ഹമീദ് കാവില്‍ സ്വാതന്ത്യദിന പ്രതിജ്ഞ ചൊല്ലി കൊടുത്തു.
നെല്ലിക്കുന്നിൽ സ്വാതന്ത്ര്യ ദിനം ആഘോഷിച്ചു
നെല്ലിക്കുന്ന്:കടപ്പുറം ഫിർദൗസ് നഗർ ബദ്‌രിയ്യ മസ്ജിദ് ആൻഡ് ഖുവ്വത്തുൽ ഇസ്ലാം ഹയർ സെക്കണ്ടറി മദ്‌റസ എഴുപത്തിയൊൻപതാം സ്വാതന്ത്ര്യ ദിനം ആഘോഷിച്ചു. മാമു കൊപ്പര പതാക ഉയർത്തി.ജനറൽ സെക്രട്ടറി ജമാൽ ചക്ലി,ട്രഷറർ ഹമീദ്, മദ്‌റസ അധ്യാപകൻ ഫാറൂഖ് സഖാഫി,വിദ്യാർത്ഥികൾ, രക്ഷിതാക്കൾ സംബന്ധിച്ചു. മസ്ജിദ് ഇമാം അബ്ദുൽ ഖാദർ ദാരിമി പ്രാർത്ഥന നിർവ്വഹിച്ചു.മധുര പലഹാരവും വിതരണം ഉണ്ടായിരിന്നു.
എന്‍.സി.പി.എസ് ജില്ലാ കമ്മിറ്റി സ്വാതന്ത്ര്യ ദിനം ആഘോഷിച്ചു
കാഞ്ഞങ്ങാട്: എന്‍.സി.പി.എസ് കാസര്‍കോട് ജില്ലാ കമ്മിറ്റിയുടെ ആഭിമുഖ്യത്തില്‍ വിവിധ പരിപാടികളോടെ ആഘോഷിച്ചു. ജില്ലാ കമ്മിറ്റി ഓഫീസില്‍ രാവിലെ നാഷണാലിസ്റ്റ് കോണ്‍ഗ്രസ് പാര്‍ട്ടി ജില്ലാ പ്രസിഡന്റ് കരീം ചന്തേര ദേശീയ പതാക ഉയര്‍ത്തി. സംസ്ഥാന സെക്രട്ടറി സി. ബാലന്‍, ജില്ലാ ട്രഷറര്‍ ബെന്നി നാഗമറ്റം, ജില്ലാ സെക്രട്ടറിമാരായ ടി. നാരായണന്‍ മാസ്റ്റര്‍, ഉദിനൂര്‍ സുകുമാരന്‍, കാഞ്ഞങ്ങാട് ബ്ലോക്ക് പ്രസിഡന്റ് രാഹുല്‍ നിലാങ്കര, രാജേഷ് കാഞ്ഞങ്ങാട്, ഉദുമ ബ്ലോക്ക് പ്രസിഡന്റ് നാസര്‍ പള്ളം,ചെറുവത്തൂര്‍ മണ്ഡലം പ്രസിഡന്റ് ടി. വി കൃഷ്ണന്‍, എന്‍.എം.സി ജില്ലാ സെക്രട്ടറി രമ്യ രാജേഷ് തുടങ്ങിയവര്‍ സംബന്ധിച്ചു.
കാസര്‍കോട് ബ്ലോക്ക് കമ്മിറ്റിയുടെ ആഭിമുഖ്യത്തില്‍ നടന്ന ചടങ്ങില്‍ മുന്‍ ബ്ലോക്ക് പ്രസിഡന്റ് ഉബൈദുല്ല കടവത്ത് ദേശീയ പതാക ഉയര്‍ത്തി. ജില്ലാ ജനറല്‍ സെക്രട്ടറി സുബൈര്‍ പടുപ്പ് ഉദ്ഘാടനം ചെയ്തു.
സാന്ത്വനം ഇലക്ട്രീഷന്‍ കൂട്ടായ്മ സ്വതന്ത്ര്യ ദിനം ആഘോഷിച്ചു
കാസര്‍കോട്: 79-ാം സ്വാതന്ത്ര്യ ദിനം സാന്ത്വനം ഇലക്ട്രീഷ്യന്‍ കൂട്ടായ്മ ആഘോഷിച്ചു. കൂട്ടായ്മ പ്രസിഡന്റ് അബ്ദുല്‍ സത്താര്‍ ചെമ്മനാട് ദേശീയ പതാക ഉയര്‍ത്തി. ചെയര്‍മാന്‍ ഷെരീഫ് മല്ലം സ്വാതന്ത്ര്യദിന സന്ദേശം നല്‍കി. ട്രഷറര്‍ അബൂബക്കര്‍ എരുതും കടവ് വൈസ് പ്രസിഡന്റ് നസീര്‍ തെകേക്കര, സെക്രട്ടറി ഹാഷിം അണങ്കൂര്‍, മനാഫ്, ഹാഷിം ചെങ്കള, ഹാരിസ് അണങ്കൂര്‍, അറഫാത്ത് ചെമ്മനാട്, ബഷീര്‍ മലബാര്‍, റഷീദ് മലബാര്‍ താജുദീന്‍ കല്ലെങ്കെ, സാബിര്‍ ചൗക്കി, റഫീഖ് കമലിയ സംബന്ധിച്ചു. പായസ വിതരണവും ഉണ്ടായിരുന്നു.
നാഷണലിസ്റ്റ് കോണ്‍ഗ്രസ് പാര്‍ട്ടി സ്വാതന്ത്ര്യ ദിനം ആഘോഷിച്ചു
മഞ്ചേശ്വരം: നാഷണലിസ്റ്റ് കോണ്‍. പാര്‍ട്ടി മഞ്ചേശ്വരം ബ്ലോക്ക് കമ്മിറ്റി സ്വാതന്ത്ര ദിനം ആഘോഷിച്ചു. ബ്ലോക്ക് പ്രസിഡന്റ് മെഹ്‌മൂദ് കൈകമ്പ ദേശീയ പതാക ഉയര്‍ത്തി. സിദ്ദിഖ് കൈകമ്പ ഉദ്ഘാടനം ചെയ്തു.
അബ്ദുല്‍ റഹിമാന്‍ ഹാജി, ബദറുദ്ധീന്‍ ഉപ്പള, ഇബ്രാഹിം ഹാജി, സുരേന്ദ്രന്‍, നാസര്‍ ഉപ്പള സംസാരിച്ചു.
ഐ.എൻ.എൽ ആലംപാടി സ്വാതന്ത്ര്യ ദിനം ആഘോഷിച്ചു
കാസർകോട്: ആലംപാടി ഐ.എൻ.എ ശാഖ സ്വാതന്ത്ര്യ ദിനം ആഘോഷിച്ചു. പ്രസിഡന്റ് മൗലവി അബ്ദുല്ല പതാക ഉയർത്തി. ഐ.എം.സി.സി നേതാവ് ഖാദർ ആലംപാടി പ്രതിജ്ഞ ചൊല്ലി കൊടുത്തു. പാർട്ടി പഞ്ചായത്ത് പ്രസിഡന്റ് മാഹിൻ മേനത്ത്, ഗപ്പു ആലംപാടി, ഹാരിസ് എസ്.ടി, മഹറു മേനത്ത്, ഹനീഫ ഏരിയപ്പാടി, സെബി മാളിയിൽ, ലത്തീഫ്, സിദ്ധിഖ് ബിസ്മില്ല, നിച്ചു പുത്തൂർ, ലത്തീഫ് കേളങ്കയം, അച്ചുമുക്രി, ഉമ്മർ കരോടി സംബന്ധിച്ചു.
ആസ്ക് ആലംപാടി സ്വാതന്ത്ര്യ ദിനം ആഘോഷിച്ചു
ആലംപാടി: ആസ്ക് ആലംപാടി സ്വാതന്ത്ര്യ ദിനം ആഘോഷിച്ചു. സിദ്ധീഖ് എം പതാക ഉയർത്തി. അംഗനവാടി കുട്ടികൾക്ക് മധുരപലഹാരം വിതരണം ചെയ്തു. റഫീഖ് പി കെ, മെഹ്‌റൂഫ് മേനത്ത്, മുസ്തഫ എരിയപാടി, റിയാസ് ടി എ, ആസിഫ് ബി എ, ഹാരിസ് എസ് ടി.ലത്തീഫ്, നിസാർ നിച്ചു, അബ്ദുൽ ഖാദർ, മിഹ്റാജ്, മുനീർ, അബ്ദുൽ ഖാദർ, അന്താറുഷാഫി, മാഹിൻ മേനത്ത്, റഫീഖ്, ഹാരിസ് ബിസ്മില്ല, കാദർ, സിദ്ധീക്ക് ബിസ്മില്ല, ഖലീൽ എർമാളം സംബന്ധിച്ചു.
സ്വാതന്ത്ര്യ ദിനത്തിൽ സ്നേഹാദര വേദി
കാസർകോട്: ഇരിയണ്ണി അംബേദ്കർ ആർട്സ് ആന്റ് സ്പോർട്സ് ക്ലബ് സ്വാതന്ത്ര്യ ദിനത്തിൽ സ്നേഹാദര വേദിയൊരുക്കി. പൂവാളയിൽ നടന്ന പരിപാടി കവി രാഘവൻ ബെള്ളിപ്പാടിയെ ആദരിച്ചു. രവീന്ദ്രൻ പൊയ്യക്കാൽ ഉപഹാരം നൽകി. സി നാരായണിക്കുട്ടി പതാക ഉയർത്തി. വിനോദ് പൂവാള, വിജയൻ, അഖിൽകുമാർ സംസാരിച്ചു. എസ് എസ് എൽ സി, പ്ലസ് ടു പരീക്ഷയിൽ ഉന്നതവിജയം നേടിയ കുട്ടികളെ അനുമോദിച്ചു. പി ഉമേഷ് അദ്ധ്യക്ഷത വഹിച്ചു. മധുര പലഹാരം വിതരണം ചെയ്തു.
തുരുത്തി അങ്കണവാടിയിൽ ആഘോഷം
കാസർകോട്: തുരുത്തി അങ്കണവാടി സ്വാതന്ത്ര്യദിനം ആഘോഷിച്ചു. കൗൺസിൽ ബി എസ് സൈനുദ്ദീൻ പതാക ഉയർത്തി. ഹനീഫ് തുരുത്തി, വിദ്യ ടീച്ചർ, സ്വപ്ന, സുമിത്ര, രക്ഷിതാക്കൾ, കുട്ടികൾ സംബന്ധിച്ചു. കുട്ടികൾക്ക് പായസവും ലഡുവും വിതരണം ചെയ്തു.
