കാസർകോട്: കാഞ്ഞങ്ങാട് ഐങ്ങോത്ത് ദേശീയപാതയ്ക്ക് സമീപം അപകടാവസ്ഥയിൽ ഉണ്ടായിരുന്ന ഇലക്ട്രിക് പോസ്റ്റ് സുരക്ഷിതമാക്കുന്നതിന് ജില്ലാ കലക്ടർ അടിയന്തരമായി ഇടപെട്ടു. ജില്ലാ കളക്ടർ കെ ഇമ്പശേഖർ അടിയന്തര നടപടിക്ക് ദേശീയപാത നിർമ്മാണ കരാർ കമ്പനിക്ക് നിർദ്ദേശം നൽകി. തൂണിന്റെ അപകടാവസ്ഥയിലുള്ള പ്രദേശത്ത് മണ്ണിട്ട് സുരക്ഷിതമാക്കി പോസ്റ്റ് സംരക്ഷിച്ചു. ഏതുനിമിഷവും വീഴാവുന്ന അവസ്ഥയിലായിരുന്നു തൂൺ. കാഞ്ഞങ്ങാട് നഗരസഭ ചെയർപേഴ്സൺ കെ വി സുജാത ടീച്ചർ ആണ് ഇലക്ട്രിക് പോസ്റ്റ് അപകടാവസ്ഥയിൽ ആണെന്ന് വിവരം ജില്ലാ കളക്ടറെ അറിയിച്ചത്.