കാസര്‍കോട്: കുടുംബശ്രീ മിഷന്‍ ജില്ലാ കോഡിനേറ്ററായി ചട്ടഞ്ചാല്‍ ഹയര്‍ സെക്കന്‍ഡറി സ്‌കൂള്‍ മലയാളം അധ്യാപകന്‍ കെ. രതീഷ് കുമാര്‍ ചുമതലയേറ്റു. ജില്ലാ മിഷന്‍ കോഡിനേറ്ററായിരുന്ന ടി.ടി. സുരേന്ദ്രന്‍ മാതൃവകുപ്പിലേക്ക് പോയ ഒഴിവിലാണ് നിയമനം. പിലിക്കോട് വറക്കോട്ടുവയല്‍ സ്വദേശിയാണ്. 2023-ല്‍ കുടുംബശ്രീ സംസ്ഥാന പ്രോഗ്രാം ഓഫീസറായി തിരുവനന്തപുരത്ത് പ്രവര്‍ത്തിച്ചിരുന്നു. കുടുംബശ്രീയുടെ മുദ്രഗീതം, റേഡിയോശ്രീ, സംസ്ഥാനത്തെ 40 ലക്ഷത്തോളം കുടുംബശ്രീ അംഗങ്ങള്‍ പങ്കെടുത്ത തിരികെ സ്‌കൂളില്‍, കുടുംബശ്രീ അംഗങ്ങളുടെ സര്‍ഗോത്സവമായ അരങ്ങ് എന്നിവയ്ക്ക് രതീഷ് കുമാര്‍ നേതൃത്വം നല്‍കിയിരുന്നു. അന്യത്ര സേവനവ്യവസ്ഥയില്‍ ഒരുവര്‍ഷമാണ് കാലാവധി.
കര്ക്കിടകവാവ് ബലിതര്പ്പണം; ജനങ്ങളുടെ സുരക്ഷ ഉറപ്പാക്കാന് ഉദ്യോഗസ്ഥരെ നിയോഗിച്ചു
Wednesday, 23 July 2025, 22:54
