തൃശൂർ: ചാലക്കുടി പരിയാരത്ത് വീട്ടമ്മയെ വീടിനുള്ളിൽ തീ കൊളുത്തി മരിച്ച നിലയിൽ കണ്ടെത്തി. പരിയാരം പള്ളിക്ക് സമീപം കരേടത്ത് വീട്ടിൽ ഷൈജുവിന്റെ ഭാര്യ സിമി(45)യാണ് മരിച്ചത്. ബുധനാഴ്ച വൈകുന്നേരം 5നാണ് സംഭവം. സിമിയുടെ അമ്മയും മകളും പള്ളിയിൽ പോയതിനാൽ വീട്ടിൽ ആരും ഉണ്ടായിരുന്നില്ല. വീടിന്റെ മുകളിലത്തെ നിലയിൽ കത്തിക്കരിഞ്ഞ നിലയിലായിരുന്നു മൃതദേഹം ഉണ്ടായിരുന്നത്. ഇസ്രയേലിൽ ജോലി ചെയ്തിരുന്ന സിമി ഒരാഴ്ച മുൻപാണ് നാട്ടിലെത്തിയത്.