കാസര്‍കോട്: കുമ്പള കോയിപ്പാടിയില്‍ ബാരല്‍ ഒഴുകിയെത്തിയ നിലയില്‍ കണ്ടെത്തി. ഞായറാഴ്ച വൈകീട്ട് മൂന്നു മണിയോടെ കോയിപ്പാടി കടപ്പുറത്തിന് സമീപം പുഴയിലാണ് ബാരല്‍ മല്‍സ്യത്തൊഴിലാളിയായ സയ്യിദ് കണ്ടെത്തിയത്. വിവരത്തെ തുടര്‍ന്ന് കോസ്റ്റല്‍ പൊലീസും കുമ്പള പൊലീസും സ്ഥലത്തെത്തി. ബാരല്‍ പരിശോധിച്ചു. പുറംകടലില്‍ തകര്‍ന്ന കപ്പലില്‍ നിന്ന് ഒഴുകിയെത്തിയതാകാമെന്ന സംശയമുണ്ട്. നൈട്രിക് ആസിഡ് ആണ് ബാരലിലുള്ളതെന്നാണ് പ്രാഥമിക നിഗമനം. തുറമുഖ വകുപ്പ് അധികൃതരെ പൊലീസ് വിവരമറിയിച്ചിട്ടുണ്ട്. ബാരലിന് പൊലീസ് കാവല്‍ ഏര്‍പ്പെടുത്തി. മംഗളൂരുവില്‍ നിന്ന് തുറമുഖ വകുപ്പ് അധികൃതര്‍ എത്തി ബാരല്‍ കൊണ്ടുപോകുമെന്നാണ് പൊലീസ് പറയുന്നത്.
ആ രക്തത്തിൽ ഞങ്ങൾക്കു പങ്കില്ല: ബി.ജെ.പി -സി.പി.എം.
Saturday, 28 June 2025, 20:03
