പാലക്കാട്: ഷൊർണൂർ റെയിൽവേ സ്റ്റേഷനിലെത്തിയ ട്രെയിനിന്റെ സീറ്റിനടിയിലെ ഉപേക്ഷിച്ച ബാഗിൽ കഞ്ചാവ് കണ്ടെത്തി. 3.69 കിലോഗ്രാം കഞ്ചാവാണ് ബാഗിലുണ്ടായിരുന്നത്. ഇതര സംസ്ഥാനത്തു നിന്നും കേരളത്തിലേക്ക് ട്രെയിൻ മാർഗം വൻ തോതിൽ കഞ്ചാവ് കടത്തുന്നുണ്ടെന്ന രഹസ്യവിവരത്തെ തുടർന്നാണ് പൊലീസ് പരിശോധന നടത്തിയത്. തുടർന്ന് ഷൊർണൂർ റെയിൽവേ സ്റ്റേഷനിലെ ഏഴാം പ്ലാറ്റ്ഫോമിലെത്തിയ ശ്രീഗംഗാനഗർ-തിരുവനന്തപുരം എക്സ്പ്രസിലാണ് കഞ്ചാവ് കണ്ടെത്തിയത്. ട്രെയിനിൽ പരിശോധന നടക്കുമെന്ന് അറിഞ്ഞ് ലഹരിക്കടത്തുകാരൻ കഞ്ചാവ് ഉപേക്ഷിച്ചു കടന്നു കളഞ്ഞതാണെന്നാണ് പൊലീസിന്റെ നിഗമനം.
