പാലക്കാട്: ചിറ്റൂർ പൊൽപ്പുള്ളിയിൽ 18 വയസ്സുകാരി ജന്മദിനത്തിൽ കുഴഞ്ഞുവീണ് മരിച്ചു. ചിറവട്ടം രാജൻ-ബിന്ദു ദമ്പതികളുടെ മകൾ ശ്രേയയാണ് മരിച്ചത്. ഇന്ന് രാവിലെ 8 മണിയോടെയാണ് കുഴഞ്ഞു വീണത്. നാട്ടുകാർ ഉടൻ ചിറ്റൂർ താലൂക്ക് ആശുപത്രിയിലും തുടർന്ന് പാലക്കാട് ജില്ലാ ആശുപത്രിയിലും എത്തിച്ചെങ്കിലും ജീവൻ രക്ഷിക്കാനായില്ല. പ്ലസ്ടുവിന് നല്ലേപ്പിള്ളി ശ്രീകൃഷ്ണ സ്കൂളിൽ നിന്നു മികച്ച മാർക്കോടെ ജയിച്ച ശ്രേയ ബിരുദ പഠനത്തിന് അലോട്ട്മെന്റിനായി കാത്തിരിക്കെയാണ് മരണമുണ്ടായത്.
