ഭുവനേശ്വർ: മുട്ടക്കറി ഉണ്ടാക്കാത്തതിനു 41 വയസ്സുകാരിയെ ഭർത്താവ് തലയ്ക്കടിച്ചു കൊന്നു. ഒഡിഷയിലെ മായുർഭഞ്ച് ജില്ലയിലെ കുടിലിങ് ഗ്രാമത്തിലാണ് സംഭവം. ബസന്തിയെയാണ് ഭർത്താവ് ലാമ ഭാസ്കി(55) കൊലപ്പെടുത്തിയത്. ഉച്ചഭക്ഷണത്തിനു മുട്ടക്കറി ഉണ്ടാക്കാത്തതിൽ പ്രകോപിതനായ ഇയാൾ പൈപ്പ് കൊണ്ട് തലയ്ക്കടിക്കുകയായിരുന്നു. ഇവർ സംഭവസ്ഥലത്തു വച്ചു തന്നെ മരിച്ചു. ബസന്തിയുടെ അമ്മയുടെ പരാതിയിൽ പ്രതിയെ പൊലീസ് അറസ്റ്റ് ചെയ്തു. ഇയാൾ കുറ്റസമ്മതം നടത്തി.