എറണാകുളം: നെട്ടൂരിൽ ട്യൂഷൻ കഴിഞ്ഞ് മടങ്ങുന്നതിനിടെ 10 വയസ്സുള്ള 2 പെൺകുട്ടികളെ തട്ടിക്കൊണ്ടുപോകാൻ ശ്രമിച്ചതായി പരാതി. ഇരുചക്രവാഹനത്തിലാണ് അക്രമി എത്തിയത്. ഇയാൾ മാസ്ക് ധരിച്ചിരുന്നു. പിന്നിൽ ഒരു വാൻ നിർത്തിയിട്ടിരുന്നു. മിഠായി നൽകി പ്രലോഭിപ്പിക്കാൻ ശ്രമിച്ചു. കൂടെ വന്നില്ലെങ്കിൽ തട്ടിക്കൊണ്ടുപോകുമെന്ന് ഇയാൾ ഭീഷണിപ്പെടുത്തിയതായും കുട്ടികൾ പറയുന്നു. കുട്ടികൾക്കു മുന്നിൽ ഇയാൾ നഗ്നത പ്രദർശനം നടത്തിയതായും പരാതിയുണ്ട്. പൊലീസിനെ വിവരം അറിയിച്ചെങ്കിലും നാളെ കൂടുതലായി പരിശോധിക്കാമെന്ന ഒഴുക്കൻ പ്രതികരണമാണ് ലഭിച്ചതെന്ന് മാതാപിതാക്കൾ ആരോപിച്ചു.