കാസർകോട്: ഭക്ഷണം പാകം ചെയ്യുന്നതിനിടയിൽ സാരിയിലേയ്ക്ക് തീപടർന്ന് ഗുരുതരമായി പൊള്ളലേറ്റ വയോധിക മരിച്ചു. കുമ്പള, പെർവാഡിലെ പരേതനായ കൃഷ്ണഗട്ടിയുടെ ഭാര്യ സുന്ദരി (82) യാണ് മരിച്ചത്. നാലു ദിവസം മുമ്പാണ് അപകടം. ഗുരുതരമായി പൊള്ളലേറ്റ സുന്ദരി മംഗ്ളൂരുവിലെ ആശുപത്രിയിൽ ചികിത്സയിലിരിക്കെ ഞായറാഴ്ച രാത്രിയിലാണ് മരണം സംഭവിച്ചത്. കുമ്പള പൊലിസ് അസ്വാഭാവിക മരണത്തിനു കേസെടുത്തു. സഹോദരങ്ങൾ: ലോകേഷ്, പുഷ്പ.
