-പി പി ചെറിയാന്
സ്റ്റാര്ക്ക്(ഫ്ലോറിഡ):എട്ട് വയസ്സുകാരിയെ ബലാത്സംഗം ചെയ്ത് കൊന്ന ശേഷം മുത്തശ്ശിയേയും കൊലപ്പെടുത്തിയ പ്രതിയുടെ വധശിക്ഷ ഫ്ലോറിഡയില് നടപ്പാക്കി. അമേരിക്കന് സമയം വ്യാഴാഴ്ച്ച വൈകുന്നേരം 8.15 നാണ് വിഷ മിശ്രിതം കുത്തിവെച്ച് പ്രതി എഡ്വേഡ് ജെയിംസ് സ്റ്റാര്ക്കിന്റെ(63)വധശിക്ഷ ഫ്ലോറിഡ സ്റ്റേറ്റ് ജയിലില് നടപ്പാക്കിയത്.
യു.എസ്. സുപ്രീം കോടതി വ്യാഴാഴ്ച ജെയിംസിന്റെ അന്തിമ അപ്പീല് തള്ളിയതോടെയാണ് വധശിക്ഷ നടപ്പാക്കാന് തീരുമാനമായത്.
ഈ വധ ശിക്ഷ കൂടി നടപ്പാക്കിയതോടെ യുഎസില് ഈ ആഴ്ച്ച നടത്തിയ നാലാമത്തെ വധശിക്ഷയാണിത്.
ഒക്ലാഹോമയില് സ്ത്രീയെ വെടിവെച്ചുകൊന്നതിന് ഒരാള്ക്ക് വധശിക്ഷ നടപ്പാക്കിയിരുന്നു. ബുധനാഴ്ച അരിസോണയിലും ചൊവ്വാഴ്ച ലൂസിയാനയിലും ഓരോ വധശിക്ഷ നടപ്പാക്കി. 15 വര്ഷത്തിനുശേഷമാണ് ലൂസിയാനയില് വീണ്ടും വധശിക്ഷ നടപ്പിലാക്കി.
ഓര്ലാന്റോയ്ക്കു വടക്കു ഭാഗത്തു കാസല്ബെറിയിലെ ബെറ്റി ഡിക്കിന്റെ വീട്ടില് ഒരു മുറി വാടകയ്ക്ക് എടുത്ത് താമസിക്കുകയായിരുന്നു പ്രതി. ഇതിനിടയിലാണ് ബാലികയും മുത്തശ്ശിയും കൊല്ലപ്പെട്ടത്.
