കൊച്ചി: അലുവയിൽ ബാർ ജീവനക്കാരനെ തടഞ്ഞു നിർത്തി മൊബൈൽ ഫോണും പണവും കവർന്നു. കണ്ണൂർ സ്വദേശി ശ്രീജേഷിന്‍റെ മൊബൈല്‍ ഫോണും നാലായിരം രൂപയുമാണ് നാലംഘ സംഘം കവര്‍ന്നത്. ആലുവയിലുള്ള അലങ്കാര്‍ ബാറിലെ ജീവനക്കാരനായ ശ്രീജേഷ് ഞായറാഴ്ച പുലർച്ചെ ട്രെയിനിറങ്ങി താമസ സ്ഥലത്തേക്ക് റെയിൽവേ ട്രാക്കിലൂടെ നടക്കുമ്പോഴാണ് കവർച്ചാസംഘം തടഞ്ഞുനിർത്തിയത്. പിന്നീട് മൊബൈൽ ഫോണും കൈയിലുള്ള പണവും തട്ടിയെടുക്കുകയായിരുന്നു. സംഭവത്തില്‍ ആലുവ പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
