-പി പി ചെറിയാന്
വത്തിക്കാന്: ഫ്രാന്സിസ് മാര്പാപ്പയ്ക്ക് ശ്വസന പ്രശ്നങ്ങള് പെട്ടെന്ന് വഷളായി. അദ്ദേഹത്തിന് ബ്രോങ്കോസ്പാസ്ം അനുഭവപ്പെട്ടു. ഇത് ശ്വസനപ്രശ്നങ്ങള്ക്കൊപ്പം ഛര്ദ്ദിയും പ്രകടമാക്കി. ശ്വാസോച്ഛാസം പെട്ടെന്ന് വഷളാകുന്നതിനും കാരണമായിട്ടുണ്ടെന്നു വത്തിക്കാന് പറഞ്ഞു.
ഒറ്റപ്പെട്ട ബ്രോങ്കോസ്പാസ്ം പ്രതിസന്ധിക്ക് ശേഷം വെള്ളിയാഴ്ച ഉച്ചതിരിഞ്ഞാണ് ഫ്രാന്സിസ് മാര്പാപ്പയുടെ അവസ്ഥ പെട്ടെന്ന് വഷളായത്. എന്നാല് പ്രതിസന്ധി അവസാനിച്ചുവെന്നും അദ്ദേഹം നല്ല മാനസികാവസ്ഥയില് വിശ്രമിക്കുകയാണെന്നും വത്തിക്കാന് അറിയിച്ചു.
