കണ്ണൂര്‍: പച്ചക്കറി തോട്ടത്തില്‍ വച്ച് കടന്നല്‍ കുത്തേറ്റ് ചികിത്സയിലായിരുന്ന കര്‍ഷകന്‍ മരിച്ചു. കണ്ണൂര്‍, കോളയാട്, ആലച്ചേരിയിലെ ഗംഗാധരന്‍ (68) ആണ് മരിച്ചത്. വെള്ളിയാഴ്ച പച്ചക്കറി തോട്ടത്തില്‍ വച്ചാണ് ഇദ്ദേഹം കടന്നല്‍ കൂട്ടത്തിന്റെ ആക്രമണത്തിനു ഇരയായത്. കടന്നല്‍ കൂട്ടം കൂട്ടത്തോടെ കുത്തിയതിനെ തുടര്‍ന്ന് കുഴഞ്ഞു വീണ ഗംഗാധരനെ ഉടന്‍ കണ്ണൂരിലെ ആശുപത്രിയില്‍ പ്രവേശിപ്പിച്ചുവെങ്കിലും ശനിയാഴ്ച വൈകുന്നേരത്തോടെ മരണം സംഭവിച്ചു.