കാസര്കോട്: ബസ് യാത്രക്കാരിയുടെ ബാഗില് നിന്നു സ്വര്ണ്ണവും പണവും മൊബൈല് ഫോണും കവര്ന്ന കേസില് അറസ്റ്റിലായ തമിഴ്നാട് സ്വദേശികളായ മൂന്നു സ്ത്രീകളെ റിമാന്റു ചെയ്തു.
തമിഴ്നാട്, മധുരയിലെ സുമതി (34) തൂത്തുക്കുടിയിലെ പാര്വ്വതി (42), രഞ്ജിത (32) എന്നിവരെയാണ് റിമാന്റ് ചെയ്തത്. ഇവര്ക്കെതിരെ നിരവധി കേസുകള് ഉള്ളതായും ഇവരുടെ സംഘാംഗങ്ങളെ കുറിച്ച് കൂടുതല് വിവരങ്ങള് ലഭിച്ചതായും പൊലീസ് പറഞ്ഞു.
മഞ്ചേശ്വരം, കുഞ്ചത്തൂര്, മാടയിലെ പ്രഭാകരന്റെ ഭാര്യ താരാമണി (59)യുടെ ബാഗ് ചൊവ്വാഴ്ചയാണ് കര്ണ്ണാടക കെ എസ് ആര് ടി സി ബസിലെ യാത്രയ്ക്കിടയില് കവര്ച്ച ചെയ്തത്. എസ് ഐ രതീഷ് ഗോപി, സിവില് പൊലീസ് ഓഫീസര്മാരായ സജിത്ത് വിജയന്, വന്ദന, സോണിയ, ഗ്രീഷ്മ എന്നിവരാണ് പ്രതികളെ അറസ്റ്റു ചെയ്തത്.
