കാസര്‍കോട്: കാഞ്ഞങ്ങാട്, തെരുവത്തെ പുള്ളി മുറി കേന്ദ്രത്തില്‍ പൊലീസ് റെയ്ഡ്. 1,22,880 രൂപയുമായി ഏഴുപേര്‍ അറസ്റ്റില്‍. കളിക്കളത്തില്‍ നിന്നു 1,22,880 രൂപ പിടികൂടി. രഹസ്യ വിവരത്തെ തുടര്‍ന്ന് ചൊവ്വാഴ്ച പുലര്‍ച്ചെ 3.40 മണിക്കാണ് പൊലീസ് പുള്ളി മുറി കേന്ദ്രത്തില്‍ എസ് ഐ ടി അഖിലും സംഘവും റെയ്ഡ് നടത്തിയത്.
ചിത്താരി, പള്ളിക്കരയിലെ കെ പി ഷംസീര്‍ (37), പുല്ലൂര്‍, പാലക്കോട്ട്, താഴം ഹൗസിലെ എം കെ സിദ്ദീഖ്(54), ചിത്താരിയിലെ തായല്‍ ഹൗസിലെ പി പി അഷ്‌റഫ് (48), ഞാണിക്കടവ്, ചിന്നമാടം ഹൗസിലെ സി അമീര്‍ (51), അതിഞ്ഞാല്‍ റുഖിയ ക്വാര്‍ട്ടേഴ്‌സിലെ കെ ഫൈസല്‍ (39), കണിച്ചിറ ബിസ്മില്ലാ മന്‍സിലിലെ കെ ഷമീര്‍ (41), അമ്പലത്തറ പി കെ ഹൗസിലെ പി നൗഷാദ് (40) എന്നിവരാണ് അറസ്റ്റിലായത്. ഇവര്‍ക്കു നോട്ടീസ് നല്‍കിയ ശേഷം വിട്ടയച്ചതായി പൊലീസ് പറഞ്ഞു.