മലപ്പുറം: യുഡിഎഫ് മുന്നണി പ്രവേശിക്കാനുള്ള നീക്കം ശക്തമാക്കി പിവി അന്വര് എംഎല്എ.
മുഖ്യമന്ത്രി പിണറായി വിജയനും സിപിഎമ്മിനും എതിരെ പോരാടാന് യുഡിഎഫിനൊപ്പം ചേരുമെന്നു അന്വര് വാര്ത്താസമ്മേളനത്തിലൂടെ പ്രഖ്യാപിച്ചു. യുഡിഎഫില് എനിക്ക് ഒരു സ്ഥാനവും വേണ്ടെന്നും ഒരു പ്രവര്ത്തകന് ആയാല് മതിയെന്നുമാണ് ഏറ്റവും ഒടുവില് അന്വറിന്റെ വാക്കുകള്. മുന്നണി പ്രവേശനത്തിന് യുഡിഎഫിന് നേരിട്ട് കത്ത് നല്കുന്ന കാര്യം പിന്നീട് പരിഗണിക്കും. മരിച്ചു കൂടെ നില്ക്കും. തന്നെ വേണോ എന്ന് യുഡിഎഫ് പരിശോധിക്കട്ടേയെന്നായിരുന്നു വാര്ത്താസമ്മേളനത്തില് അന്വറിന്റെ പ്രതികരണം. യുഡിഎഫ് പ്രവേശനവുമായി ബന്ധപ്പെട്ട് ചൊവ്വാഴ്ച ഉച്ചയോടെ സാദിഖലി ശിഹാബ് തങ്ങളെ കാണാന് അന്വര് പാണക്കാട് എത്തും. രാവിലെ സാദിഖലി തങ്ങളെ ഫോണില് വിളിച്ച അന്വര്, അറസ്റ്റ് സമയത്ത് നല്കിയ പിന്തുണക്ക് നന്ദി അറിയിച്ചിരുന്നു. സന്ദര്ശന വേളയില് പികെ കുഞ്ഞാലിക്കുട്ടിയുമായും കൂടിക്കാഴ്ച നടത്തും. പ്രതിപക്ഷ നേതാവ് വി.ഡി സതീശനുമായി ഫോണില് സംസാരിച്ചിരുന്നു. സതീശന് അടക്കം എല്ലാ യുഡിഎഫ് നേതാക്കളെയും കാണും. അതേസമയം
മുസ്ലീം ലീഗിന് പിന്നാലെ കെപിസിസി അധ്യക്ഷന് കെ സുധാകരനും അന്വറിന് പിന്തുണ അറിയിച്ചതോടെ ഇക്കാര്യത്തില് വി ഡി സതീശന് എടുക്കുന്ന നിലപാട് എന്തായിരിക്കും എന്നത് നിര്ണ്ണായകമാണ്. 12ന് ചേരുന്ന രാഷ്ട്രീയകാര്യ സമിതിയില് വി ഡി സതീശന് നിലപാട് വ്യക്തമാക്കും.
കുമ്പള പഞ്ചായത്ത് ബസ് വെയിറ്റിംഗ് ഷെല്ട്ടറില് വെള്ളം കയറിയതായി പരാതി
Tuesday, 30 June 2026, 15:26
