കാസര്കോട്: ബേഡകം, വാവടുക്കത്ത് ഗൃഹനാഥന് പുഴയില് മുങ്ങി മരിച്ചു. വാവടുക്കം കോളനിയിലെ കാരിച്ചിയുടെ മകന് കണ്ണന്(55) ആണ് മരിച്ചത്. ചൊവ്വാഴ്ച വൈകുന്നേരമാണ് സംഭവം. വാവടുക്കം പുഴയില് കുളിക്കാന് ഇറങ്ങിയതായിരുന്നു കണ്ണന്. ഇതിനിടയിലാണ് ഒഴുക്കില്പ്പെട്ടത്. സ്ഥലത്ത് വസ്ത്രങ്ങള് അലക്കുകയായിരുന്ന സ്ത്രീ ബഹളം വച്ചതിനെ തുടര്ന്ന് ആള്ക്കാര് ഓടിക്കൂടി കണ്ണനെ കരയ്ക്കെടുത്ത് ആശുപത്രിയില് എത്തിച്ചുവെങ്കിലും ജീവന് രക്ഷിക്കാനായില്ല. പൊലീസ് കേസെടുത്തു. ഭാര്യ: സാവിത്രി. മക്കള്: അനൂപ്, സൗമിനി. മരുമകന്:മണി. സഹോദരന്:അമ്പാടി.
നെല്ലിക്കുന്ന് കടപ്പുറം പാലത്തിന് സമീപം മാലിന്യമല : ദുര്ഗന്ധം ദുസ്സഹമായി നാട്
Monday, 25 May 2026, 15:53
