Author: പി പി ചെറിയാന്‍
വാഷിംഗ്ടണ്‍: ഫെഡറല്‍ ക്രിമിനല്‍ തോക്കിനും നികുതി കുറ്റത്തിനും ലഭിക്കാവുന്ന ജയില്‍ ശിക്ഷ ഒഴിവാക്കി പ്രസിഡന്റ് ജോ ബൈഡന് ഞായറാഴ്ച രാത്രി തന്റെ മകന്‍ ഹണ്ടറിന് മാപ്പ് നല്‍കി. പ്രസിഡന്റ് പദവിയുടെ അസാധാരണമായ അധികാരങ്ങള്‍ കുടുംബത്തിന്റെ നേട്ടത്തിനായി ഉപയോഗിക്കില്ലെന്ന് മുന്‍കാല വാഗ്ദാനങ്ങളില്‍ നിന്നു വ്യതിചലിച്ചാണ് ജോ ബൈഡന് ഇക്കാര്യം പ്രസ്താവിച്ചത്.
ഡെലാവെയറിലെയും കാലിഫോര്‍ണിയയിലെയും രണ്ട് കേസുകളില്‍ ശിക്ഷിക്കപ്പെട്ടതിന് ശേഷം മകനോട് മാപ്പ് നല്‍കില്ലെന്നും ശിക്ഷയില്‍ ഇളവ് നല്‍കില്ലെന്നും ഡെമോക്രാറ്റിക് പ്രസിഡന്റ് നേരത്തെ പറഞ്ഞിരുന്നു. തോക്ക് കേസിലെ വിചാരണ ശിക്ഷയ്ക്കും നികുതി ആരോപണങ്ങളിലെ കുറ്റസമ്മതത്തിനും ശേഷം ഹണ്ടര്‍ ബൈഡന് ശിക്ഷ ലഭിക്കുന്നതിന് ആഴ്ചകള്‍ക്ക് മുമ്പാണ് ഈ നീക്കം.
‘ഞാന്‍ നീതിന്യായ വ്യവസ്ഥയില്‍ വിശ്വസിക്കുന്നു, ഞായറാഴ്ച വൈകുന്നേരം പുറത്തിറക്കിയ പ്രസ്താവനയില്‍, ബൈഡന് പറഞ്ഞു. ചെറുപ്പക്കാരനായ ബൈഡനെതിരെയുള്ള തോക്കിനും നികുതിക്കുറ്റത്തിനും മാത്രമല്ല, 2014 ജനുവരി 1 മുതല്‍ 2024 ഡിസംബര്‍ 1 വരെയുള്ള കാലയളവില്‍ അദ്ദേഹം ചെയ്തതോ അല്ലെങ്കില്‍ അദ്ദേഹത്തിനു പങ്കാളിത്തം ഉള്ളതോ ആയ അമേരിക്കയ്ക്കെതിരായ മറ്റേതെങ്കിലും കുറ്റകൃത്യങ്ങള്‍ പ്രസിഡന്റ് ജോ ബൈഡന്റെ മാപ്പില്‍ ഉള്‍പ്പെടുന്നു.
