കാസര്‍കോട്: കാണാതായ യുവാവിനെ മരത്തില്‍ തൂങ്ങി മരിച്ച നിലയില്‍ കണ്ടെത്തി. ബദിയഡുക്ക, പൊലീസ് സ്റ്റേഷന്‍ പരിധിയിലെ കാട്ടുകുക്കെ, ദാന്തക്കാനയിലെ പരേതരായ ചോമ-കല്യാണി ദമ്പതികളുടെ മകന്‍ രാധാകൃഷ്ണന്‍ (42) ആണ് മരിച്ചത്. കൂലിപ്പണിക്കാരനാണ്. ശനിയാഴ്ച വൈകുന്നേരം അഞ്ചു മണിയോടെയാണ് രാധാകൃഷ്ണനെ വീട്ടില്‍ നിന്നും കാണാതായത്. തെരച്ചില്‍ നടത്തുന്നതിനിടയില്‍ ഞായറാഴ്ച രാവിലെ വീട്ടുപറമ്പിലെ കശുമാവിലാണ് മൃതദേഹം തൂങ്ങിയ നിലയില്‍ കാണപ്പെട്ടത്. സഹോദരന്‍ മഞ്ജുനാഥയുടെ പരാതിയില്‍ ബദിയഡുക്ക പൊലീസ് കേസെടുത്തു. നേത്രാവതി സഹോദരിയാണ്.
