കാസര്‍കോട്: ടെറസില്‍ അലക്കിയ വസ്ത്രം ഉണക്കാനിടുന്നതിനിടെ വൈദ്യുതി ലൈനില്‍ തട്ടി ഷോക്കേറ്റ പെണ്‍കുട്ടി മരിച്ചു. പെര്‍ള കൂദുവ സ്വദേശിയും ഇഡിയടുക്കയില്‍ താമസക്കാരനുമായ ഇസ്മായിലിന്റെ മകള്‍ ബിആര്‍ ഫാത്തിമ (17)യാണ് മരിച്ചത്. ബുധനാഴ്ച രാവിലെ 10 ഓടെയാണ് സംഭവം. ഉണക്കാനിടുന്നതിനിടെ അയകമ്പി ഹൈടെന്‍ഷന്‍ കമ്പിയില്‍ തട്ടുകയായിരുന്നു. മകളെ രക്ഷിക്കാനുള്ള ശ്രമത്തിനിടയില്‍ മാതാവ് ഔവ്വാമ്മക്കും ഷോക്കേറ്റു. ഇവരെ ചെങ്കള ഇകെ നായനാര്‍ സഹകരണ ആശുപത്രിയില്‍ പ്രവേശിപ്പിച്ചു. ഇസ്മായിലാണ് ഫാത്തിമയുടെ പിതാവ്. സഹോദരങ്ങള്‍: മുഹമ്മദ് ഇഷാഖ്, മുഹമ്മദ് ഷാനിദ്, മുഹമ്മദ് ആഷിഫ്, ഇബ്രാഹിം ഖലീല്‍. ബദിയടുക്ക പൊലീസ് ഇന്‍ക്വസ്റ്റ് നടത്തി.
അധികൃതര്‍ അവഗണിച്ചു; കാലവര്‍ഷക്കെടുതിയില്‍ തകര്‍ന്ന വീട് ബിജെപി-സേവാദള്‍ പ്രവര്‍ത്തകര്‍ പുനഃസ്ഥാപിച്ചു
Monday, 7 July 2025, 10:31
