കാസര്‍കോട്: മൊഗ്രാല്‍ പുഴയില്‍ അനധികൃതമായി മണല്‍ വാരലില്‍ ഏര്‍പ്പെട്ട 7 തോണികള്‍ പിടികൂടി.
കുമ്പള എസ്‌ഐ കെ ശ്രീജേഷിന്റെ നേതൃത്വത്തിലുള്ള സംഘമാണ് മൊഗ്രാല്‍ പുഴയില്‍ നിന്ന് മണല്‍ വാരലില്‍ ഏര്‍പ്പെട്ട 7 തോണികളെ പിന്തുടര്‍ന്ന് പിടികൂടിയത്. കരക്കെത്തിച്ച തോണികള്‍ മണ്ണുമാന്തി യന്ത്രം ഉപയോഗിച്ച് തകര്‍ത്തു. രാത്രികാലങ്ങളില്‍ പ്രദേശത്ത് മണല്‍ കൊള്ള നടക്കുന്നതായി പൊലീസിന് പരാതി ലഭിച്ചിരുന്നു. ഇതേ തുടര്‍ന്ന് പൊലീസ് പുഴയില്‍ നിരീക്ഷണം നടത്തുന്നുണ്ട്. കഴിഞ്ഞ ആറുമാസത്തിനിടെ ഈ മേഖലയില്‍ നൂറോളം തോണികള്‍ പൊലീസ് പിടികൂടി തകര്‍ത്തിട്ടുണ്ട്.
