-പി പി ചെറിയാന്‍

ഡാളസ്:അമേരിക്കന്‍ എയര്‍ലൈന്‍സിന്റെ ചരിത്രത്തിലെ ഏറ്റവും ദൈര്‍ഘ്യമേറിയ നേരിട്ടുള്ള വിമാനം
AAL7 ശനിയാഴ്ച രാത്രി ഡാളസ്ഫോര്‍ട്ട് വര്‍ത്ത് ഇന്റര്‍നാഷണല്‍ എയര്‍പോര്‍ട്ടില്‍ നിന്ന് പുറപ്പെട്ട് ഏകദേശം 16 മണിക്കൂറും 8,300 മൈലും സഞ്ചരിച്ച് ബ്രിസ്ബേന്‍ എയര്‍പോര്‍ട്ടില്‍ ലാന്‍ഡ് ചെയ്തുവെന്ന് എയര്‍ലൈനും ഫ്ലൈറ്റ് പാത്ത് ട്രാക്ക് ചെയ്യുന്ന സൈറ്റായ ഫ്ലൈറ്റ്അവെയറും അറിയിച്ചു.
രണ്ട് നഗരങ്ങള്‍ തമ്മിലുള്ള ഉദ്ഘാടന നോണ്‍സ്റ്റോപ്പ് കണക്ഷനില്‍ മൂന്ന് പൈലറ്റുമാര്‍, ഒരു റിലീഫ് ക്യാപ്റ്റന്‍, 11 ഫ്ലൈറ്റ് അറ്റന്‍ഡന്റുകള്‍ എന്നിവരുണ്ടായിരുന്നുവെന്നു അമേരിക്കന്‍ എയര്‍ലൈന്‍സ് വക്താവ് പറഞ്ഞു. ബ്രിസ്ബേന്‍ എയര്‍പോര്‍ട്ടിന്റെ യൂട്യൂബ് ചാനലില്‍ ലാന്‍ഡിംഗ് ലൈവ് സ്ട്രീം ചെയ്തു.12,000ത്തിലധികം ആളുകള്‍ വീഡിയോ കണ്ടു, വിമാനത്തില്‍ 285 യാത്രക്കാരുണ്ടായിരുന്നു.