തിരുവനന്തപുരം: പൊലീസുകാരനെതിരെ പീഡന പരാതിയുമായി കൊച്ചി സ്വദേശിനിയായ ഡോക്ടര്‍. ഇന്‍സ്റ്റഗ്രാം വഴി പരിചയപ്പെട്ട് വിവാഹവാഗ്ദാനം നല്‍കി പീഡിപ്പിച്ചെന്നാണ് പരാതി. തിരുവനന്തപുരം സ്വദേശിയായ തൃശ്ശൂര്‍ ഐ.ആര്‍. ബറ്റാലിയനിലെ പൊലീസുകാരനെതിരേയാണ് പരാതി. യുവതിയുടെ പരാതിയുടെ അടിസ്ഥാനത്തില്‍ തമ്പാനൂര്‍ പൊലീസ് കേസ് രജിസ്റ്റര്‍ ചെയ്ത് അന്വേഷണം ആരംഭിച്ചു.
20 ദിവസം മുന്‍പാണ് സംഭവം. വിവാഹ വാഗ്ദാനം നല്‍കി തിരുവനന്തപുരത്തേയ്ക്ക് വിളിച്ചു കൊണ്ടുവന്ന് തമ്പാനൂരിലെ ഒരു ലോഡ്ജില്‍ താമസിപ്പിച്ച് പീഡിപ്പിച്ചു എന്നാണ് പരാതിയില്‍ പറയുന്നത്. എത്രയും വേഗം വിവാഹം നടത്തണമെന്ന് ആവശ്യപ്പെട്ടപ്പോള്‍ ഉപദ്രവിച്ചു എന്നും പരാതിയില്‍ പറയുന്നു. ഇതിന് പിന്നാലെയാണ് വനിതാ ഡോക്ടര്‍ തമ്പാനൂര്‍ പൊലീസ് സ്റ്റേഷനില്‍ പരാതി നല്‍കിയത്. പരാതി നല്‍കിയതിന് പിന്നാലെ ഒളിവില്‍ പോയ പൊലീസ് ഓഫീസറെ പിടികൂടാനുള്ള ശ്രമം ആരംഭിച്ചതായി തമ്പാനൂര്‍ പൊലീസ് അറിയിച്ചു. ഡോക്ടറിന് വിവാഹ വാഗ്ദാനം നല്‍കുമ്പോള്‍ ഇയാള്‍ വിവാഹിതനാണെന്ന കാര്യം മറച്ചുവെച്ചിരുന്നതായും പരാതിയില്‍ പറഞ്ഞിട്ടുണ്ട്. ഇതിനുപുറമെ, ഇയാള്‍ സെക്‌സ് റാക്കറ്റുമായി ബന്ധപ്പെട്ട് പ്രവര്‍ത്തിക്കുന്ന ആളാണോയെന്ന് സംശയിക്കുന്നതായും പരാതിയില്‍ ആരോപിക്കുന്നു.
സാരി ബൈക്കിന്റെ ചക്രത്തിൽ കുടുങ്ങി റോഡിൽ വീണു പരിക്കേറ്റ വീട്ടമ്മ മരിച്ചു
Thursday, 13 March 2025, 21:35
