-പി പി ചെറിയാന്‍
റോക്ക്വാള്‍(ഡാളസ്): ഡ്രൈവറായ 34 കാരന്‍ ജീന്‍ കാര്‍ലോസ് ഇറാഹെറ്റയെ വ്യാഴാഴ്ച രാവിലെ കൊലപ്പെടുത്തിയ കേസില്‍ രണ്ട് പേരെ അറസ്റ്റ് ചെയ്തു.
പുലര്‍ച്ചെ ഒരു മണിക്ക് ശേഷം സമ്മര്‍ ലീഡ്രൈവിലെ ഒരു ഷോപ്പിംഗ് മാളിന്റെ പാര്‍ക്കിംഗ് സ്ഥലത്തായിരുന്നു അക്രമം.
വിവരമറിഞ്ഞ് പൊലീസ് ഉദ്യോഗസ്ഥരും ഇ.എം.എസും ഇറാഹെത വെടിയേറ്റ് മരിച്ചതായും അദ്ദേഹത്തിന്റെ ട്രക്ക് മോഷ്ടിച്ചതായും കണ്ടെത്തി. ഇറാഹെറ്റയെ ഏരിയാ ആശുപത്രിയിലെത്തിച്ചെങ്കിലും മരിച്ചിരുന്നു.
കൊലപാതകത്തിനു ശേഷം മോഷ്ടാക്കള്‍ തട്ടിക്കൊണ്ടുപോയ ട്രക്ക് അടുത്തുള്ള ഒരു കൗണ്ടിയില്‍ നിന്ന് കണ്ടെത്തി, അബിഗെയ്ല്‍ ചാപ്പാറോ(32), ടെറി ലാസി(29)എന്നിവരെ അറസ്റ്റ് ചെയ്തു. റോക്ക്വാള്‍ കൗണ്ടി ഡിറ്റന്‍ഷന്‍ സെന്ററില്‍ ഇവരെ തടവിലടച്ചു.
