-പി പി ചെറിയാന്‍
ഡാളസ്: ഡാലസില്‍ അന്തരിച്ച പ്രമുഖ സാഹിത്യകാരനും അധ്യാപകനുമായ എം.എസ്.ടി നമ്പൂരിയുടെ സംസ്‌കാരം ഒക്ടോബര്‍ 13ന് 2 മുതല്‍ക്കു നടക്കും.
1932ല്‍ കോട്ടയം മൂത്തേടത്ത് ഇല്ലത്തായിരുന്നു ജനനം. 1963ല്‍,കപ്പല്‍ മാര്‍ഗ്ഗമായിരുന്നു ന്യൂയോര്‍ക്കില്‍ എത്തിയത്. കമ്പ്യൂട്ടര്‍ സയന്‍സില്‍ മാസ്റ്റേഴ്‌സ് ബിരുദവും പി.എച്ച്.ഡിയും കരസ്ഥമാക്കിയ എം.എസ്.ടി, അമേരിക്കയില്‍ അറിയപ്പെടുന്ന അധ്യാപകനായിരുന്നു. യൂണിവേഴ്‌സിറ്റി ഓഫ് ടെക്‌സസിലെ മാത്തമാറ്റിക്‌സ് ആന്റ് കമ്പ്യൂട്ടര്‍ ഡിപ്പാര്‍ട്ട്‌മെന്റ് ഹെഡ് ആയിരുന്നു. നാഷണല്‍ ബുക്ക്സ്റ്റാള്‍ പ്രസിദ്ധീകരിച്ച ‘പ്രവാസിയുടെ തേങ്ങല്‍’ എന്ന കവിതാ സമാഹാരവും ധാരാളം ലേഖനങ്ങളും, എം.എസ്.ടി.യുടെ സംഭാവനകളാണ്. ലാന, കെ.എല്‍.എസ് തുടങ്ങിയ സാഹിത്യസംഘടനകളുടെ രൂപീകരണത്തില്‍ സജീവമായിരുന്നു. ഡാളസ് കേരള അസോസിയേഷന്‍ ഭാരവാഹി, ഡാളസിലെ സാമൂഹ്യ-സംസ്‌കാര രംഗത്തെ സജ്ജീവ സാന്നിധ്യം എന്നീ നിലകളില്‍ എം.എസ്.ടി നമ്പൂതിരി എല്ലാവര്‍ക്കും സുപരിചിതനായിരുന്നു. ഇന്ത്യ പ്രസ് ക്ലബ് ഓഫ് നോര്‍ത്ത് ടെക്‌സാസ് രൂപീകരണത്തില്‍ മുന്‍നിരയിലായിരുന്നു. സരസ്വതി നമ്പൂതിരിയാണ് ഭാര്യ. ഡോ. മായ, ഇന്ദു മക്കളാണ്.
