മംഗളൂരു: തലപ്പാടിയിലെ ബാറിന് സമീപം എം.ഡി.എം.എ വില്‍പന നടത്തിയ തലപ്പാടി നര്‍ള പടില്‍ സ്വദേശി കിരണ്‍ ഡിസൂസയെ (25) സിറ്റി സൗത്ത് സബ് ഡിവിഷന്‍ ലഹരി വിരുദ്ധ സ്‌ക്വാഡ് അറസ്റ്റ് ചെയ്തു.
30,000 രൂപ വിലമതിക്കുന്ന 10 ഗ്രാം എംഡിഎംഎയും കുറ്റകൃത്യത്തിന് ഉപയോഗിച്ച സ്‌കൂട്ടറും മൊബൈല്‍ ഫോണും പൊലീസ് പിടിച്ചെടുത്തു. യുവാവിനെതിരെ ഉള്ളാള്‍ പൊലീസ് എന്‍ഡിപിഎസ് ആക്ട് പ്രകാരം കേസെടുത്തു. രഹസ്യവിവരത്തിന്റെ അടിസ്ഥാനത്തിലാണ് റെയ്ഡ് നടത്തിയത്. ലഹരിവിരുദ്ധ സേനാംഗങ്ങളായ സാജു നായര്‍, മഹേഷ്, ശിവരാജ്, അക്ബര്‍, തിരുമലേഷ് എന്നിവരാണ് റെയ്ഡില്‍ പങ്കെടുത്തത്.