തിരുവനന്തപുരം: വടക്കന് ബംഗാള് ഉള്ക്കടലില് ചക്രവാതച്ചുഴി രൂപപ്പെട്ടതിനാല്
സംസ്ഥാനത്ത് അടുത്ത 5 ദിവസം വ്യാപകമായി ശക്തമായ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ നിരീക്ഷണ കേന്ദ്രം അറിയിച്ചു. നാളെ കാസര്കോട്, കണ്ണൂര്, കോഴിക്കോട് ജില്ലകളില് യെല്ലോ അലര്ട്ട് പ്രഖ്യാപിച്ചു. ഞായറാഴ്ച കാസര്കോട്, കണ്ണൂര് ജില്ലകളിലും, തിങ്കളാഴ്ച കാസര്കോട്, കണ്ണൂര്, കോഴിക്കോട് ജില്ലകളിലും യെല്ലോ അലര്ട്ട് പ്രഖ്യാപിച്ചു. ഇന്നും നാളെയും കേരളത്തില് ഒറ്റപ്പെട്ടയിടങ്ങളില് ഇടിമിന്നലോടു കൂടിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. മധ്യ കിഴക്കന് അറബിക്കടലില് മഹാരാഷ്ട്ര തീരത്തിന് സമീപം ന്യൂനമര്ദ്ദം സ്ഥിതിചെയ്യുന്നുണ്ട്.
മഹാരാഷ്ട്ര തീരം മുതല് വടക്കന് കേരള തീരം വരെ ന്യൂനമര്ദ്ദപാത്തി രൂപപ്പെട്ടിരിക്കുകയാണ്. കൂടാതെ പശ്ചിമ ബംഗാളിനും വടക്ക് കിഴക്ക് ജാര്ഖണ്ഡിനും മുകളിലായി മറ്റൊരു ന്യൂനമര്ദ്ദം സ്ഥിതിചെയ്യുന്നതിനാലാണ് മഴയ്ക്ക് മുന്നറിയിപ്പു നല്കുന്നത്. മഴ ശക്തമാകുന്നതിനാല് കേരള-ലക്ഷദ്വീപ്-കര്ണാടക തീരങ്ങളില് മത്സ്യബന്ധനത്തിന് പോകാന് പാടില്ലെന്ന് കേന്ദ്ര കാലാവസ്ഥ വകുപ്പ് അറിയിച്ചു
