കാസർകോട്: മുൻ ഡിസിസി അംഗവും മഞ്ചേശ്വരം ബ്ലോക്ക് കോൺഗ്രസ് ജനറൽ സെക്രട്ടറിയുമായിരുന്ന കെ.എം.എ ഹമീദ് മൊഗ്രാൽ (78) അന്തരിച്ചു. ഉപ്പള കുക്കാറിൽ മകളുടെ വസതിയിൽ ശനിയാഴ്ച ഉച്ചയോടെയായിരുന്നു അന്ത്യം. കുമ്പളയിൽ കോൺഗ്രസ് പ്രസ്ഥാനത്തെ പടുത്തുയർത്തുന്നതിൽ നിർണായക പങ്കുവഹിച്ച വ്യക്തിയായിരുന്നു. അന്തരിച്ച കോൺഗ്രസ് നേതാക്കളായ ഐ രാമറൈയുടെയും, പി ഗംഗാധരൻ നായരുടെയും വിശ്വസ്തനായി അറിയപ്പെട്ടു. പരേതയായ സക്കീനയാണ് ഭാര്യ. മക്കൾ: ഫായിസ, റഹീല. മരുമക്കൾ: ഹാഷിം പാറപ്പള്ളി, ഹമീദ് കുക്കാർ. സഹോദരങ്ങൾ: പരേതരായ അബ്ദുൽ ഗഫൂർ അംഗടിമുഗർ, അഹമ്മദ് കോരിക്കാർ, മുൻ കോൺഗ്രസ് എസ് ജില്ലാ സെക്രട്ടറി ഹാജി എ എം മൊഗ്രാൽ, ബീഫാത്തിമ. നിര്യാണത്തിൽ കുമ്പള, ബ്ലോക്ക് മണ്ഡലം കോൺഗ്രസ് കമ്മിറ്റി, കോൺഗ്രസ് മൊഗ്രാൽ യൂണിറ്റ് കമ്മിറ്റി, മൊഗ്രാൽ ദേശീയവേദി, ഫ്രണ്ട്സ് ക്ലബ് മൊഗ്രാൽ അനുശോചിച്ചു.
