കാസർകോട്: ഉത്തരകർണാടകയിലെ ഷിരൂരിൽ മണ്ണിടിച്ചിലിൽ കാണാതായ കോഴിക്കോട് സ്വദേശി അർജുനു വേണ്ടിയുള്ള രക്ഷാപ്രവർത്തനത്തിന് ലോറികൾ വിട്ടു നൽകാമെന്ന് കാസർകോട് ജില്ലാ ടിപ്പർ ലോറി ഓണേഴ്സ് യൂണിയൻ സന്നദ്ധത പ്രകടിപ്പിച്ചു. മണ്ണിടിച്ചിലിൽ ഹൈവേയിൽ കുന്നുകൂടിയ മണ്ണുനീക്കി അർജുനെ കണ്ടെത്താനുള്ള രക്ഷാ പ്രവർത്തനത്തിന് ടിപ്പർ ലോറികൾ വിട്ട് കൊടുക്കാൻ തയ്യാറാണെന്നും രക്ഷാപ്രവർത്തനങ്ങളിൽ പങ്കെടുക്കാൻ സന്നദ്ധരാണെന്നും യൂണിയൻ അറിയിച്ചു. ആറാം ദിവസവും നടത്തിയ രക്ഷാപ്രവർത്തനത്തിൽ ലോറി കണ്ടെത്തിയില്ല. നാളെ പുഴയിൽ രക്ഷാപ്രവർത്തനം നടത്തുമെന്നാണ് അധികൃതർ അറിയിക്കുന്നത്.