കാസര്‍കോട്: സുഹൃത്തിനോട് സംസാരിച്ചു നില്‍ക്കുന്നതിനിടയില്‍ യുവാവിനെ കാറിലെത്തിയ സംഘം തട്ടിക്കൊണ്ടു പോയി. ചട്ടഞ്ചാല്‍, കുന്നാറയിലെ കെ. അര്‍ഷാദി(27)നെയാണ് തട്ടിക്കൊണ്ടു പോയത്. സംഭവത്തില്‍ ചെങ്കള, സിറ്റിസണ്‍ നഗറിലെ തമ്മുവിനും കണ്ടാല്‍ അറിയാവുന്ന മൂന്നു പേര്‍ക്കും എതിരെ മേല്‍പ്പറമ്പ് പൊലീസ് കേസെടുത്തു. യുവാവിനെ കണ്ടെത്താന്‍ പൊലീസ് അന്വേഷണം ഊര്‍ജ്ജിതമാക്കി. വെള്ളിയാഴ്ച ഉച്ചയ്ക്കാണ് സംഭവം. കുന്നാറയിലെ ജീലാനി സൂപ്പര്‍ മാര്‍ക്കറ്റിനു സമീപത്തുള്ള ഹോട്ടലിനടുത്ത് സുഹൃത്തുമായി സംസാരിച്ചു നില്‍ക്കുകയായിരുന്നു അഷ്‌റഫ്. ഇതിനിടയില്‍ സ്വിഫ്റ്റ് ഡിസെയര്‍ കാറിലെത്തിയ സംഘം തട്ടിക്കൊണ്ടു പോവുകയായിരുന്നുവെന്നു മേല്‍പ്പറമ്പ് പൊലീസ് രജിസ്റ്റര്‍ ചെയ്ത കേസില്‍ പറയുന്നു. സാമ്പത്തിക ഇടപാടുമായി ബന്ധപ്പെട്ട തര്‍ക്കമാണ് തട്ടിക്കൊണ്ടു പോകലിനു പിന്നിലെന്നു സംശയിക്കുന്നതായി കൂട്ടിച്ചേര്‍ത്തു.
ആരോഗ്യ മന്ത്രിയുടെ രാജി ആവശ്യപ്പെട്ട് സമരം ശക്തം : കാസർകോട്ട് റോഡ് ഉപരോധിച്ച യൂത്ത് ലീഗ് പ്രവർത്തകരെ അറസ്റ്റ് ചെയ്തു
Saturday, 5 July 2025, 20:48
