കാമുകിയെ വെട്ടിക്കൊന്ന കേസിലെ പ്രതി തൂങ്ങി മരിച്ച നിലയില്‍

0
93


കൊച്ചി: കാമുകിയെ പട്ടാപ്പകല്‍ വെട്ടിക്കൊലപ്പെടുത്തിയ കേസിലെ പ്രതി തൂങ്ങി മരിച്ച നിലയില്‍.
കൊലക്കേസിന്റെ വിചാരണ നാളെ ആരംഭിക്കാനിരിക്കവെയാണ്‌ ഉദയം പേരൂര്‍, മീന്‍കടവ്‌, മുണ്ടശ്ശേരിയില്‍ വീട്ടില്‍ ബിനുരാജി(31)നെ ഇന്നു രാവിലെ തൂങ്ങി മരിച്ച നിലയില്‍ കണ്ടെത്തിയത്‌. 2014 ഡിസംബര്‍ 18ന്‌ ആണ്‌ ബിനുരാജ്‌ കാമുകിയായ നീതു (17)വിനെ കൊലപ്പെടുത്തിയത്‌. നേരത്തെ പ്രണയത്തിലായിരുന്ന ഇരുവരും ഒളിച്ചോടിയിരുന്നു. പിന്നീട്‌ പൊലീസ്‌ ഇരുവരെയും കണ്ടെത്തി. പൊലീസ്‌ സ്റ്റേഷനില്‍ ഉണ്ടാക്കിയ ധാരണപ്രകാരം പെണ്‍കുട്ടിക്കു പ്രായപൂര്‍ത്തിയാകുമ്പോള്‍ കല്യാണം കഴിക്കാനും തീരുമാനിച്ചിരുന്നു. എന്നാല്‍ പെണ്‍കുട്ടി വീട്ടിലേയ്‌ക്കു പോകാന്‍ തയ്യാറാകാത്തതിനാല്‍ ബിനുരാജിന്റെ ചെലവില്‍ വനിതാ ഹോസ്റ്റലില്‍ ആയിരുന്നു താമസം. എന്നാല്‍ പിന്നീട്‌ നീതു സ്വന്തം വീട്ടിലേയ്‌ക്കു താമസം മാറി. അതിനു ശേഷം ബിനുരാജിനു സംശയം തോന്നുകയും നീതുവിനു മറ്റൊരാളുമായി ബന്ധമുണ്ടെന്നു തോന്നുകയും ചെയ്‌തു.
ഈ വിരോധത്തില്‍ പ്രതി നീതുവിന്റെ വീട്ടിലെത്തി 13 വെട്ടുവെട്ടി കൊലപ്പെടുത്തിയെന്നാണ്‌ പൊലീസ്‌ കേസ്‌.

NO COMMENTS

LEAVE A REPLY