അംഗന്വാടിയില് പഠിക്കുമ്പോള് പീഡനം; മേല്പ്പറമ്പില് നാലു പോക്സോ കേസ്
കാസര്കോട്: അംഗന്വാടിയില് പഠിക്കുന്ന കാലത്ത് പീഡിപ്പിച്ചുവെന്ന പരാതിയില് മേല്പ്പറമ്പ് പൊലീസ് നാലു പോക്സോ കേസുകള് രജിസ്റ്റര് ചെയ്തു. പന്ത്രണ്ടും പതിമൂന്നും വയസ്സള്ള പെണ്കുട്ടികളാണ് പരാതിക്കാരികള്. ഇരുവരും പഠിക്കുന്ന സ്ഥാപനത്തില് അടുത്തിടെ നടന്ന കൗണ്സിലിംഗിലാണ് സംഭവം പുറത്തറിഞ്ഞത്. പരാതിക്കാരികളില് ഒരാളെ മാതാവിന്റെ രണ്ടാനച്ഛനും അയല്വാസികളുമാണ് പീഡിപ്പിച്ചതെന്നു പരാതിയില് പറയുന്നു. മറ്റൊരു പെണ്കുട്ടിയെ പീഡിപ്പിച്ച ആളെ കണ്ടെത്താനുള്ള ശ്രമം തുടരുന്നു.